កូនសត្វផ្សោតទើបកើតថ្មី ត្រូវបានមន្ត្រីអភិរក្សប្រទះឃើញនៅក្រចេះ
ក្រុមអភិរក្សសត្វផ្សោតបានអះអាងពីការប្រទះឃើញកូនសត្វផ្សោតទើបកើតថ្មី១ ក្បាលទៀតខណៈវាបង្ហាញខ្លួនក្នុងហ្វូងសត្វផ្សោតធំ ៥ ក្បាលផ្សេង ទៀត នៅចំណុចអន្លង់កាំពីក្នុងភូមិកាំពី ឃុំសំបុក ស្រុកចិត្របូរី ខេត្តក្រចេះ ស្របពេលដែលចំនួនសត្វផ្សោតរយៈពេល ២ ឆ្នាំចុងក្រោយមានការកើនឡើង។ លោក ម៉ុក ពន្លក នាយរងខណ្ឌរដ្ឋបាលជលផលនិងជាប្រធានឆ្មាំទន្លេអភិរក្សសត្វផ្សោតខេត្តក្រចេះបានថ្លែងកាលពីម្សិលមិញថា នៅក្នុងការជិះកាណូតល្បាតតាមដងទន្លេមេគង្គកាលពីថ្ងៃទី ១៨ ខែមេសាថ្មីៗនេះ ក្រុមការងាររបស់លោកបានប្រទះឃើញកូនផ្សោត ១ ក្បាលដែលទើបកើតបាន ៧ ថ្ងៃបង្ហាញខ្លួនក្នុងហ្វូងមេបារបស់វានិងផ្សោតពេញវ័យ ៥ ក្បាលផ្សេងទៀតនៅចំណុចអន្លង់កាំពីនៃតំបន់ភូមិសាស្ត្រខាងលើ។ …
ឃុត សុភចរិយា
https://bit.ly/2XDP25u
